A froita do coñecemento (A vulva contra o patriarcado), comic no que Liv Strömquist enfoca con orixinalidade a historia dos xenitais das mulleres nesta obra gráfica instrutiva e tremendamente divertida.
Entre donas, dez relatos doutras tantas escritoras galegas actuais, diversas en estilo narrativo, experiencias, recoñecemento e noutros moitos aspectos vitais, pero que coinciden en tomar a palabra e falar con voz propia, colocando as mulleres no centro da historia.
Libres e Vivas, que non queren ser vítimas. Mais tampouco escravas. Compañeiras. Iguais. Mulleres e homes nun mundo xusto en Igualdade. Sobre estes parámetros dez escritoras de primeiro nivel das nosas letras abordan a cuestión do machismo, do terrorismo patriarcal contra as mulleres, da liberdade, da Igualdade, para que, dende a literatura, entendamos como é o seu sentir. O resultado son dez relatos libres coma coiteladas directas á conciencia. Querémolas. Quérense. Todas. Libres e vivas.
Comentarios
Publicar un comentario